Берт-Даг ортумак школазының төөгү болгаш чурт шинчилел музейинге хүндүлүг аалчылар келгенин өөредилге чери дыңнаткан.
Тыванының эртемденнери Берт-Даг суурнуң 100 чылынга тураскааткан экспедиция үезинде музейни сонуургаан. Экспедицияның киржикчилери, Тываның гуманитарлыг болгаш тускай социал-экономиктиг шинчилелдер институдунуң эртемденнери – Зоя Самдан, Уран Донгак, Людмила Мижит, Василий Салчак, Кызыл-Маадыр Симчит, Соруктуг Шиветпей.
Эртемденнер музейде сумунуң төөгүзүн камнап-кадагалап турарын, база тыва чоннуң бурун ажыл-агыйын аныяк-өскенге утпас кылдыр өөредип турарын бедии-биле үнелээн.
Музейниң ажылдакчылары аалчыларынга үнелиг арга-сүмелерин бергени дээш четтиргенин илереткен.
