2021-2022 өөредилге чылында 1-ги класстан эгелеп " Математика", Хурээлел" эртемнерни тыва дылга шингээдип эгелээнинден бээр дөрт дугаар түңнел чылы болуп турарын Национал школа хөгжүдер институт дыңнаткан.
Национал школа хөгжүдер институдунуң улуг методизи Тамара Ховалыг Ак-Довурактың "Өлчей" лицейинге, Чадаана хоорайның Вера Байлак аттыг 4 дугаар школазынга база Сүт-Хөл кожууннуң Алдан-Маадыр, Өвүр кожууннуң Хандагайты ортумак школаларынга барып четкен.
"Тыва дыл", "Литературлуг номчулга", " Математика" база " Хурээлел" эртемнеринге өөреникчилерниң сонуургалын бедидери-биле уругларның билиглеринге даянган оюн хевирлиг онаалгаларлыг, өөредиглиг болгаш кижизидикчи ужур-утказы бедик кичээл-ассортини тыва дыл кырынга барган класстарынга эрттирген.
Уругларның тыва дылга эртемнерни билип ап турары эки, оларның тыва дылга сөс курлавыры байлак дээрзин демдеглээн.
"Төлевилел-21" деп төлевилелде 21 школа киржип турар. Ук школаларның башкылары Ольга Куулар, Саира Дажы-Сегбе, Урана Ооржак, Сайзана Куулар эге школага эртемнерни тыва дылга өөредири чогумчалыг дээрзин чугулалап, төлевилелди эки эгелээшкин деп санап турарлар.
