Тываның Чогаалчылар эвилелиниң Москвада салбырынга үш чылдың ажыл-чорудулгазын түңнээн хурал болуп эрткен. Аңаа эш-өөрүн деткип билир, хөделдирикчи энергиялыг, организакчы шыдалдыг дарганың ажылын демдеглеп, каттыжыышкын даргазынга Борис Балчий-оолду база катап сонгуп алган.
Идепкейжи туруштуг, арга-дуржулгалыг чогаалчылар ырак черде чурттап чоруур боттарын деткижер, тыва чогаал сайзыралынга үлүг-хуузун киирер сорулгалыг каттыжып, үш чыл бурунгаар даргазынга Борис Константиновичти соңгаан турган.
Тываның чогаалчылар эвилелиниң Москвада салбырының даргазы улуг назылыг чогаалчылар-биле ужуражыышкыннарны организастап, солун хемчеглерни эрттиргенин чырыдарга, хөйнүң сонуургалын оттуруп, соцчеткилерде көрүлделер хөй болган. Тываның төлээ черинга ажылдап тургаш, чогаалчыларны деткип турган Урана Иванованы хурал үезинде онзалап демдеглээн.
Москва чогаалчылары чылдың эки номун боттары түңнээш, Россия чергелиг мөөрейлерже киирип, деткикчи дилеп, ном үндүрерин дугурушкан.
Очулга ажылын эгелээни-биле ийи чүс ажыг тыва авторларны парлап, төп эвилел-биле, хөй национал чогаалчылар-биле харылзаа тургустунган. Бо ажылды уламчылаары-биле москвачылар Борис Балчий-оолду катап база хөй-ниити организациязының даргазынга сонгуп алганы ол.
Москвада чогаалчылар – Бижек Комбу, Анна Ламажаа, Зоя Донгак, Артык Ховалыг, Урана Иванова, Виктор Монгуш, Диана Ондар, Урана Куулар, Чечена Таспаанчык. Чогаалга сонуургалдыг аныяктар – Долгармаа Санчы, Чаяна Ооржак, Галина Ооржак, Долума Хертек, Оранбал Оюн.
В Туве стартовали игры Кубка Главы Республики Тыва по волейболу среди ветеранов
Сегодня в республике начались игры Кубка Главы Республики Тыва по волейболу среди мужских и женских команд ветеранов.