Күжүгет Шойгу аттыг культура фондузу үндезилеттинип тургустунганындан бээр салып алган турган сорулгаларын бүрүнү-биле чедип ап, амгы үеде Тыва Республикавыстың девискээринге тыва чоннуң уттундуруп бар чыдар сагыш-сеткил өнчүзүнүң аңгы-аңгы хевирлерин катап тургузар база келир үеде салгалдарга камгалап-кадагалаарынга, ол ышкаш, аныяк-өскенниң мөзү-шынарының кижизидилгезинге хамаарышкан ажыл-чорудулгага үлүүн киириштирип чоруурун Тыва үндезин культура төвү дыңнаткан.
Тываның Баштыңының деткимчези-биле Фондунуң хөй талалыг ажыл-ижиниң түңнелинде чуртувуста элбээ-биле чогаадыкчы эгелээшкиннер боттанып, чырыдыышкын шинчилиг хемчеглер удаа-дараа эртип турарын демдеглевишаан, парлалга, шинчилел ажылдары, патриотчу кижизидилгеге хамаарышкан угланыышкыннарындан аңгыда, чижек кылдыр культура адырында көскү черни ээлеп турар Өскүс-оол дугайында улустуң тоолдарынга үндезилээн баштайгы тыва мюзиклди айытса чогуур.
Ук мюзикл тыва улустуң хөгжүмнүг болгаш аас чогаалынга даянмышаан, бүдүн делегейде алдаржаан тыва хөөмей-сыгыт-биле чергелештир амгы үениң уран чүүлүнде билдингир жанр хип-хопту хаара туткан. Сергей Күжүгетовичиниң деткимчези-биле Өскүс-оол дугайында мюзикл чырыкче «Сырын-хаттың тоожузу» деп ат-биле үнген.
Төрээн чонунуң сагыш-сеткилинге база төрээн чуртунуң төөгүзүнге балаттынмас исти арттырып чоруур Күжүгет Шойгу аттыг культура фондузунга база хууда Сергей Күжүгетовичиге улуг өөрүп четтиргенивисти илеретпишаан, кезээде хей-аъды киискип, сүлде-сүзүү бедик, быжыг тура-соруктуг, каң дег кадыкшылдыг, аал-оранынга аас-кежик доктаап чоруурун күзээр-дир бис!
В России расширят господдержку производителей мультфильмов
Получить господдержку на производство и прокат анимационных фильмов в размере 100% от сметной стоимости можно будет в России.