Тере-Хөл кожууннуң Тал сумузунда Тываның Баштыңы Владислав Ховалыгның деткимчези-биле муниципалитеттиң туткан чаа школазынга удавас уруглар парта артынга олуруптарын ТР-ниң өөредилге сайыды Елена Хардикова дыңнаткан.
– Школага эге класстың уруглары өөренир. Өөредилге чериниң чанынга ук сумунуң малчыннарының уругларынга интернатты тудары база көрдүнүп турар.
Чедери берге сумудан школачыларны кожуун төвүнче аргыштырарының нарынын барымдаалааш, школа тудар шиитпирни үндүрген. Ам чамдык оолдар биле уруглар өг-бүлелериниң, малчыннарның ажы-төлү дөргүл-төрелиниң чанынга өөренир аргалыг.
Өөредилге чери Кунгуртугнуң школазынга хамааржыр болур. Амгы үеде документилер белеткеп кылыр ажылдар чоруттунуп турар.
