Туран хоорайга «Чаа чылдың чарыжы» деп хаак чарыжы болуп эрткенин Тарлаг школазы дыңнаткан.
Хаак маргылдаазынга 2009-2016 чылдарда төрүттүнген спортчулар беш аңгы бөлүкке киришкен. Тарлагның хаакчылары шыырак белеткелин болгаш тиилелгеже чүткүлүн көргүзүп, шаңналдыг черлерже кирген.
Бир километрге бирги черде үшкү классчылар Аймира Серен биле
Айдаш Донгак, ийиги черде үшкү классчылар Виолетта Ондар биле Айдемир Байкара.
Үш километрге бирги-ийиги черлерде алдыгы классчылар Сайын-Белек Сат биле Самир Отукай, үшкү черде чедиги классчы Аймир Байкара.
Беш километрге бирги черни сески классчы Айнур Куулар чаалап алган.
Өөредилге чери РСФСР-ниң спорттунуң хоочуну, күш-ажылдың хоочуну, тренер башкызы Александр Тугжуга хаакчыларны белеткээни дээш четтиргенин илереткен. Тарлагжылар спортчулары-биле чоргаарланып турар.
