Тарылга кампаниязын кыска хуусаада шынарлыг чорударынга идиг

Тываның көдээ ажыл-агый бүдүрүкчүлери часкы хову ажылдары дээш 27 сая рубльди алыр.

Бо чылын көдээ ажыл-агый бүдүрүкүчлеринге часкы ажылдарын чорударынга субсидия төлевилеринге 62 сая рубльди тускайлаан. Республиканың 191 чер ажылдыглары күрүне деткимчезин алган.

Регионнуң Көдээ ажыл-агый яамызы 62 сая рубльди часкы хову ажылдарын организастап, белеткээринче шилчидер. Часкы хову ажылдарынга чарыгдалдарын дуглаан субсидия кылдыр ол акша-хөреңгини алырлар.

Көдээ ажыл-агый бүдүрүкчүлеринге субсидия сезоннуг хову ажылдарынга баш бурунгаар белеткенир – үрезиннер, чедишчидилге база үнүштер камгалаар чүүлдер садып алыр арганы бээр. Ол тарылга кампаниязын кыска хуусаада шынарлыг чорударынга идиг болур.

Бөгүнде көдээ ажыл-агый бараан бүдүрүкчүлеринге 27 сая рубльди үндүрген. 102 арат мал чиир культура үрезиннерин садып алырынга, а 78 чер ажылдыг куду шынарлыг тарылга шөлдерин болбаазырадырынче, республиканың эң улуг дөрт ногаажылары (А.П. Желтухин, Г.А. Ким, Р.А. Сат, А.Б. Дадар-оол) база чеди бүдүрүлге ажык шөлден ногаа дүжүдүн көвүдедиринче саң-хөө деткимчезин алырлар.