Бөгүн, Украинада тускай шериг операциязында киржип турар 55-ки тускай мото-адыгжы (даг) бригадазының дайынчылары дөргүл-төрели болгаш чоок кижилери-биле Кызылда шериг кезээниң баазазынга видеохарылзаа таварыштыр бир дугаар чугаалашкан.
Телекөвүрүг үезинде Тываның Баштыңы Владислав Ховалыг ам бо хүнде тускай операцияда киржип турар дайынчыларны төрээн чери-Тывада Ада-чурттуң Улуг дайынының чылдарында Украинаны фашистерден хостажып турган эки-турачылар-биле деңнеп турарын чугаалаан. Ол ышкаш оларның өг-бүлелеринге чогуур дузаны көргүзүп турарын дыңнаткан.
«Дайынчы акы-дуңмалашкы» хөй-ниити организацияның тус черде салбырының кежигүнү Эрес Хуурак дайынчы дуңмаларынга деткимче сөстерин база чугаалаан. «Алаш» бөлүү хөөмей-сыгыды-биле чаңгыс чер-чурттугларының хей-аъдын көдүрген.
55-ки тускай мото-адыгжы (даг) бригадазының дайынчыларының дөргүл-төрели болгаш чоок кижилери оларның-биле амы-хууда чугаалажып, онча-менди чанып келирин күзээннер.
![Эльвира Ооржак: «Украшения на подушках имеют глубокий смысл, они олицетворяют счастье, долголетие, богатство, процветание и удачу»](https://thumbor.newswave.ru/fevbgn53FyPSXd_vtR6InZKK8Eo=/870x474/https://tmgnews.ru/media/publications/0407367882/cover/rusm5ukkzc.jpg)