Чаа чылдың дыштаныр хүннеринде Тере-Хөл кожуунга спортчу маргылдааларны эрттирери чаңчыл болганын чагырга чери дыңнаткан.
Стол теннизинге маргылдаага 25 эр, 14 херээжен болгаш холушкак эжеш спортчу киришкен.
Эр улус аразынга бирги черни Алаш Чыпсымаа, ийиги черни Сундуй Чигжит, үшкү черни Сылдыс Магбын чаалап алган.
Херээжен улус аразынга бирги черге Долума Шимит, ийиги черге Сайзана Сенги, үшкү черге Анела Хонай төлептиг болган.
Эжеш спортчулар аразында бирги черде Алаш Чыпсымаа биле Аялзы Идам, ийиги черде Назын Иргит биле Долума Куулар, үшкү черде Начын Бегзи биле Долума Шимит.
Кожуунда теннис ойнакчыларының саны көвүдеп, тере-хөлчүлерниң спорттуң бо хевиринге сонуургалы улгадып турарын чагырга чери демдеглээн.
