«Транспорт сервизи болгаш төлевилел» күрүнениң унитарлыг бүдүрүлгези Тес-Хем кожууннуң төвү Самагалдай суурнуң девискээринде бок төгеринге көрдүнмээн черде овааланы берген бокту аштап, үстүрер ажылдарны уламчылап турар.
Чаа регион оператору-биле кожуун¬нар¬ керээлерни чарып, ажылды чорудуп турар. Чурттакчы чон база ук албан чери-биле ажылдаар керээлер чарып ап болур аргалыг.
Бок төгеринге көрдүнмээн черлерде бок-сак чыл-чылы-биле овааланы чыглып, улуг девискээрлерни ээлеп турары чажыт эвес. «Транспорт сервизи болгаш төлевилел» бүдүрүлгези 2022 чылда Чөөн-Хемчик, Каа-Хем, Өвүр, Тес-Хем кожууннарның болгаш Ак-Довурак хоорайның девискээрлерин аштап арыглаар.
Бок төгеринге көрдүнмээн черлерге бокту мөөңнеп, чыгганы дээш административтиг торгаалды онаары көрдүнгенин сагындыраал.
