Республикада азыг диштиг араатан аң мал ажыл-агыйларынга когарал чедирбезин дээш, кожууннарда бөрү аглаар тускай чөпшээрелдиг аңчыларның бригадаларын тургускан.
Тес-Хем кожууннуң чагырга чериниң даргазы Чингис Тогаачы кожуун девискээринде алды кокайны узуткаанын дыңнаткан.
– Кожууннуң девискээринде кокайларның көвүдеп турары дүвүрээзинниг айтырыгның бирээзи. Ук чидиг айтырыгны шиитпирлээри-биле кокай аглаашкынын январьның 5-6 хүннеринде кожуунувустуң аңчылары болгаш идекпейлиг малчыннары организастап эрттиргеннер. Олар кожуун девискээринде алды кокайны узуткаан.
Чуруктарда Кызыл-Чыраа биле Чыргалаңды сумузунуң арга-дуржулгалыг аңчылары-биле хоочун малчыннары. Көдээ ишчилерниң чымыштыг ижинге когарал чедирип турар бөрүлерниң баш санын эвээжедир сорулгалыг аглаашкынга идепкейлиг киржип турар аңчыларга болгаш малчыннарга четтиргенимни кожууннуң чагыргазының база бодумнуң өмүнээмден илереттим – деп, Чингис Тогаачы соцчеткилерде бижээн.
Планируется ли запуск нового маршрута Кызыл - Чадан — Кызыл?
Министерство дорожно-транспортного комплекса Республики Тыва ответило на обращение администрации Дзун-Хемчикского района, касающегося запуска нового маршрута между Кызылом и Чаданом.