– Аткаарлап, камгалалче, оолдар – деп ийи удаа алгырган.
Ол Бүрзеккейнин сөөлгү командазы болган. Арткан дайынчылар аткаарлап эгелээн. Пулеметтуң бүгү кезээн алгаш үндүрери бергедей берген. Немецтер хөме таварып келген. Даваа-Самбуу биле Оюу чүгле пулеметтуң бодун алгаш, дугуйларын, щидин каапкаш, ужа-тура халчыпкан, немецтер-биле холужа бергеннер.
Караңгыда немецтер оларны эскербээн, алгыржып бурунгаар халчып турда, Даваа-Самбуу биле Оюу база уш-баш чок алгыржып, оларның соондан маңнажып орган. Доктаай дүшкеш, Даваа-Самбуу пулеметтун унун холга тудуп алган, а Оюу ленталыг хааржакты тудуп алгаш, чолдак адыышкын-биле немецтерни сылба ада бергеннер. Ол уеде камгалалга чыткан бистин кезектеривис боолай бээрде, Даваа-Самбуу эжишкилер чыдыпканнар, а атакаже кодурулген немейтер узуткаттынган.
Сат Дамчатович Даваа-Самбуу дайындан ээп чанып келгеш, хөй чылдарда улус ажыл-агайының янзы-бүрү адырларынга ажылдап чораан.
- Эки турачы аъттыг эскадрон. – Михаил Сундуй. – Тываның ном үндүрер чери. - Кызыл – 1989. – 83-ку арын.
ТР-ниң Национал архиви Ада-чурттуң Улуг дайынынга Тиилелгениң 80 чыл оюнга белеткээн.
