Тыва үндезин культура төвү тыва улустуң аас чогаалының янзы-бүрү үлегерлерин чыыр, оларны кадагалап арттырар база чон аразынга нептередир сорулгалыг республика чергелиг «Тоолчургу ораным» деп тыва улустуң аас чогаалының үлегерлеринге хамаарышкан мөөрейни чарлаанын дыңнаткан.
Шиитпирлээр ужурлуг айтырыглары – тыва улустуң төөгү болгаш тоолчургу чугааларын чыыры, тыва улустуң амгы шагда ажыглап турар алгыш-йөрээлдерин чыыры, сайгарары, аныяк-өскенниң тыва ёзу-чаңчылдарынга ынакшылын күштелдирери.
Мөөрейниң бир дугаар номинациязы – «Төөгү болгаш тоолчургу чугаалар». Бо номинацияга киржикчи кижи бодунуң чурттап турар черинге хамаарышкан тоолчургу, төөгү, коргунчуг чугааларның сөзүглелдери-биле киржир. Сөзүглелдер тус черниң агаар-бойдузу, арга-ыяжы, даглары, хемнери, хөлдери, суурнуң дугайында дээш оон-даа өске долгандыр турар объектилерге хамаарышкан болур.
Ийиги номинация – «Биче хевирлер». Ук номинацияга киржир ажылдар дээрге тыва чоннуң амгы үеде ажыглап чоруур мактал сөстери, алгыш-йөрээлдери, тывызыктары, чечен сөстери, үлегер домактары, кожамыктары болур.
Мөөрейниң болуп эртер үези: январь айның 10-нуң хүнүнден февраль айның 28-ке чедир эртер.
Тыва үндезин культура төвү киржикчилерни ук хемчегге хамаарышкан негелделерни долузу-биле адаанда киирген саавырдан эки номчуп алырын дилээн.
Мөөрейге киржир чагыгны болгаш сөзүглелдерни дараазында электроннуг почтаже чоргузар: ctyva@yandex.ru. Харылзажыр дугаары: 8(39422)2-35-71.
Фонтан на главной площади Тувы: обновление любимого места
Фонтан на главной площади Тувы — одно из самых популярных мест для прогулок жителей и гостей столицы.