Амгы үеде Тывада «Пушкин картазы» программада 105 культура албан черлери коштунган. Тываның Культура яамызының медеглээни болза, республиканың 24 143 чурттакчызы ук программаның картазын идепкейлиг ажыглап турар. Оларның хөй кезии регионнуң 14-ден 22 харлыг чурттакчылары, а 15 хире муңу – школачылар болгаш сургуулдар.
Тывада ниитизи-биле 14-тен 22 харга чедир хамаатыларның саны – 45 014. 2023 чылдың январь 1-ден бо хүннерге чедир, 9 ай дургузунда, 128 364 билет саттынган.
«Пушкин картазын» 14-22 харга чедир аныяктарга тыпсып турар. Күрүне картаже 5000 рубльди шилчиткен. Ук акша-хөреңги-биле музейлерде, театрларда, кинотеатрларда, филармонияларда болуп турар солун оюн-көргүзүглүг хемчеглерни база делгелгелерни көрүп болур.
Күрүне ачы-дузазының порталынга бүрүткедип алгаш, картаны чагыдып алыр. Күрүнениң шилчиткен акшазын чыл дургузунда культура албан черлеринче билеттер садарынче чарыгдаар. Бир эвес бир чыл дургузунда күрүнениң шилчидип берген акшазын төндүр чарыгдаваан болза, чаа үнген чылдың январь 1-де картага турган акша ажыглаттынмас апаар. Ынчангаш декабрь 31-ге чедир акша-төгерикти төндүр чарыгдааны дээре. Чаа чылдан эгелээш, картаже беш муң рубльди катап шилчидер.
В Туве задержаны авторы регионального телеграм-канала
2 мая 2024 года прошли обыски и задержания силовиков в отношении блогеров и журналистов Тувы, сообщают источники ТМГ.