Биче хоорайлар болгаш төөгүлүг суурларга таарымчалыг хоорай хүрээлеңин тургузар дээн тулган төлевилелдерниң бүгү-российжи мөөрейниң тиилекчилериниң бирээзи – Туранның «Баштайгы көжүп келген орус чоннуң парыгы» төлевилел. Бии-Хем кожууннуң төвүнде паркты эрткен айда ажытканын сагындыраал.
Бии-Хем кожууннуң Туранның ийи дугаар школазының тыва дыл болгаш чогаал башкызы Ооржак Мэңги чаагайжыттынган паркта тозан аът долганып четпес докулчак ак өргээни Бии-Хем кожуун чагыргазы ажылдап турар школазынга быжыглап, класстан дашкаар хемчеглер эрттирер немелде төп кылдыр дамчытканы оларга улуг белек болганын соцчеткиде бижээн.
Бо парк Россияның тургузуунче Тываның киреринге хөйнү кылган кижилер дугайында сактыышкынның, орус болгаш тыва чоннуң бот-боттарынга хүндүткелдиг хамаарылгазының болгаш эп-найыралының, тургузукчу күш-ажылды база культураны кады байлакшыдарының демдээ болур.
Хоорайның төөгүзүн тускай аян-шинчи-биле парктың чаагайжылдылгазында көргүскен. Паркта орус казанакты база тыва өгнү тиккен, мурнуу-чөөн талазында Иннокентий Сафьяновка – Туран хоорайның үндезилекчизинге тураскаалды тургускан.
