Тываның Баштыңы Владислав Ховалыг Ак-Суг чыдынын болбаазырадыр келир үениң эчис сорулгалыг инвестору Тожуну электри энергиязы-биле хандырар айтырыгны мооң мурнунда Казымал байлактарны ажыглаар талазы-биле федералдыг агентилелче киирген турган.
Казымал байлактарны ажыглаар талазы-биле федералдыг агентилелдиң чарлаан аукционунуң түңнелдери-биле Ак-Сугнуң чес-порфир чыдынын болбаазырадыр эргени "Кедилиг даг-руда төлевилелдери" акционерлиг ниитилел ("Ростех" күрүне корпорацияның структуразы) ойнап алганын Тываның Баштыңы Владислав Ховалыг бодунуң блогунда дыңнаткан.
Тывада Ак-Сугнуң чес-порфир чыдынынга келир үениң даг-болбаазырадылга комбинадынче чырык дамчыдар шугумну тудар ажылдар чоруп турарын сагындыраал. 312 километрге шөйлү бээр электри чырыының чаа шугуму республиканың Бии-Хем биле Тожу кожууннарын таварып эртер. Ону «Росчетки» компания тудуп турар.
Ак-Сугнуң чырык хандырылгазы амгы үеде дизельдиг генераторларны ажыглап турар Тожу кожуунну чырык-биле хандырар ужурлуг деп, Владислав Ховалыг чугаалаан. Комплекстиг планда чуртталга тудуу калбаа-биле чоруп турар Кызыл хоорайның чырык күчүзүн улгаттырарын шиитпирлээр айтырыг база кирген.
«Ростех» күрүне корпорациязы-биле кады ажылдажылгавыс чаа деңнелже шилчээн. Чыл бурунгаар даг бүдүрүлгелеринге ажыглаар частыр чүүлдер бүдүрүлгезиниң салбырын Тывада ажыткан. Эрзин кожууннуң Тастыгда литий чыдынын болбаазырадыр база бир структура ажылдап эгелээн. Чурттуң Президентизи Владимир Путин сентябрь 2-де Тывага эрттирген хуралында ол ажылдың эчис сорулгалыг ужур-дузазын демдеглээн.
– Инвестиция төлевилелдеринге кадрлар белеткээриниң кады ажылдажылгазы эгелээн. РФ-тиң Чазааның даргазының бирги оралакчызы Денис Валентинович Мантуровтуң хуралында Тожу кожуунну электри энергиязы-биле доктаамал хандырарын база чугаалашкан. Бо пункт Тываның энергетика хандырылгазының комплекстиг планынче кирген. Лизенция алыр ажыл доосту бээрге-ле, инвестор-биле улуг хемчээлдиг Дугуржулгага аттарны салыр бис" – деп, Тываның Баштыңы дыңнаткан.
Регионнуң девискээринге улуг күрүне корпорацияларының көвүдээри, бирээде, инвесторларның боттарынга алган хүлээлгелеринге харыысалгазын бедидип, ийиде – Тываның социал-экономиктиг хөгжүлдезинге эки салдарлыг болурун Владислав Ховалыг демдеглээн.
В Туве стартовал юбилейный 35-й смотр профессионального мастерства среди педагогов и представителей образовательной общественности
В Туве активно развивают образовательную инфраструктуру, обращая особое внимание на поддержку педагогов.