Тываның Баштыңы Владислав Ховалыг Тожу кожуунда көвүрүгнүң тудуун хынаан.
– Харалаан, демир-дес чедирикчизиниң харыысалга чок болганы-биле көвүрүгнү дужаар хуусаа узамдыккан. Ынчалза-даа ук тудуг объектизин май 1-де ажыглалче киирер хуусааны айыттым. Чадаг кижилер апрель 7-ден тура чаа көвүрүглеп кежип эгелээр – деп, Владислав Ховалыг ажыл-агыйжы сургакчылаашкын үезинде дыңнаткан.
Тожу кожуунда сөөлгү каш чылдарда эң чидиг айтырыгларының бирээзи көвүрүг болур. Республиканың найысылалы Кызыл хоорай биле кожуун төвү Тоора-Хем суурнуң аразында Бии-Хемни кежир аргыжар көвүрүг чок болганы бир талазында бурунгаар хөгжүлдеге моондак, ийи талазында, чурттакчы чонга онза айыыл.
Паром ажылдавас үеде, орай чазын, күзүн чуга дошту кырлап кежип, автомашиналыг халдып эрткен улус дош адаанче кирип турган таварылгалар эвээш эвес. Кыжын безин хемниң чамдык кезектеринде чуга дош аргыжарынга айыылды тургузуп турар.
Владислав Ховалыг эрткен чылын федералдыг бюджеттен немей 180 сая рубльди аңгылаарын чедип алганының ачызында, ук тудуг объектизин доозарынга арганы тургусканын сагындыраал.
Амгы үениң негелделеринге дүгжүп турар, айыыл чок көвүрүгнү “Восток” КХН тудуг ажылдарын чорудуп турар.
Жители Сут-Хольского района приняли участие в акции «Сад памяти»
Накануне жители Сут-Хольского района присоединились к международной акции «Сад памяти», в рамках которой они высадили 80 саженцев хвойных деревьев по боковым сторонам памятника «Кым-даа, чуу-даа утту…