Немелде өөредилге ажылдакчызының хүнүн таварыштыр республиканың немелде өөредилге сайзырадыр төптүң баазазынга өөредилге сайыды Елена Хардикова төптүң тергиин ажылдакчыларынга Россия Федерациязының Чырыдыышкын яамызының база Тыва Республиканың Өөредилге яамызының күрүне шаңналдарын тывысканын яамызы дыңнаткан.
Төптүң үш ажылдакчызы Артыш Донгак, Эрес Куулар база Аяс Монгуш РФ-тиң Спортчу туризм федерациязының «Россияның турисчизи» деп шылгаралдың демдээнге төлептиг болган. ТР-ниң Өөредилге яамызы республиканың өөредилге адырында турисчи угланыышкынны хөгжүдүп турары дээш иштежилеринге өөрүп четтириишкинни илереткен.
Елена Хардикова төптүң эки ажыл-чорудулгазын болгаш Тывада немелде өөредилге хөгжүлдезиниң чугулазын демдеглеп, ук адырның системазын экижидеринче угланган айтырыгларның күүселдезин кичээнгейже алырын онзалап демдеглээн.
