Март 25-те Аныяктар ордузунга тус черниң бүдүрүкчүлерин деткээн дыштаныр хүннүң садыглаашкын-ярмарказы 10.00 шактан 17.00 шакка чедир болурун Тываның Сайгарлыкчы чорукту деткиир фонд дыңнаткан.
Республиканың уран шеверлериниң даарааны национал хептерни, дизайнерлерниң тускай аянныг каас чараш хептерин, национал бөрттерни, каасталгаларын, суй-белектерни, хол-биле кылган катаптаттынмас ажылдарны аңаа делгээр. Шупту барааннар «Тывага бүдүрген» деп ылгавыр демдектиг.
Дыштаныр хүннүң ярмарказынга киржир күзелдиг хууда болгаш ажыл-биле бот-хандыртынган сайгарлыкчылар, ус-шеверлер ТР-ниң Сайгарлыкчы чорукту деткиир фондунуң Улусчу уран ус-шеверлел төвүнче чагыгларны киирип болур.
Адрези: Кызыл хоорай, Тыва эки турачылар кудумчузу, б.18, ийиги каът, 212 дугаар кабинет. 8.30 шактан 17.30 шакка чедир (понедельник-пятница) ажылдап турар. Тодаргайы-биле дараазында телефон дугаары-биле харылзажыр: +7 (39422) 3-62-02
ВТБ откроет представительство в Туве
До конца года в Туве откроется представительство одного из крупнейших банков России — ВТБ.