ТР-ниң Чазааның деткимчези-биле кылган чүс хире улуг күштүг ужудукчу чок аппараттарны тускай шериг операциязының девискээринче чорудар. Тываның Баштыңы Владислав Ховалыг шинчилел-хайгыылга база ажыглаар дроннарны шериг ужудукчу чок аппараттар операторлары белеткээр төпте чыып белеткээнин көрген.
Бүдүрүлге хемчээлин улгаттырар, ужудукчу чок ужудар аппараттар башкарар мергежилдиг операторлар белеткээр планныг төпке регионнуң удуртукчузу деткимчени ам-даа көргүзеринге беленин чугаалаан.
– Ужудукчу чок аппараттар бүдүрүлгезиниң шугумун төп калбартыр планныг. Чаа партияда ужудукчу чок ужар ийи улуг аппарат база бар. Фронтуга ону халдаар квадрокоптерлер медээзин дамчыдарынга ажыглаар. Ынчалдыр дайынчы машиналар ужудуушкунунуң радиузу улгадып, тей азы бедик чер артындан халдаарынга эптиг арга магадылаттынар – деп, Владислав Ховалыг белеткел төвүнге чораан соонда бижээн.
«Ирбис» деп шолалыг тускай шериг операциязының хоочуну ужудукчу чок аппараттар бүдүрүлгезин эрткен чылдың төнчүзүнде эгелээн. Чыып кылган ужудукчуларны опреаторлар белеткелинге ажыглап турган. Тываның Баштыңы Владислав Ховалыг январь эгезинде цехке чорааш, ооң ажылын деткиир күзелин илереткенин сагындыраал.
Тываның Чазааның деткимчези-биле бүдүрүлгениң хемчээли улгаткан, амгы үеде аппараттар шугумун ам-даа калбартыр дээш белеткел чоруп турар. Ужудукчу чок ужар чүүл операторлары белеткээр шынзылгалыг төп 20 ажыг тускай мергежилдиглерни доостурган.
Операторлар дроннарны чыып тургаш, чүгле ужударынга эвес, а дайын шөлүнге аппараттарны программалап, септеп-селииринге база өөредип турар. Дайынчылар тускай шериг операциязының девискээринде эштери-биле билиглерин үлежир.
Ровно год назад в Кызыле открыли крупнейший в России буддийский монастырь «Тубтен Шедруб Линг»
Ровно год назад, 28 апреля 2023 года, в Кызыле был открыт крупнейший в России буддийский монастырь — «Тубтен Шедруб Линг».