Шамбалыгның М.И. Айыжы аттыг культура төвүнге тускай шериг операциязының киржикчизи Э.Э. Монгуш-биле ужуражылга болуп эрткенин культура чери дыңнаткан.
Ужуражылганың киржикчилери чаңгыс чер чурттуунга айтырыгларны салып, солун чүүлдерни билип ап, ооң чугаазын улуг сонуургал-биле дыңнааннар.
Э.Э. Монгуштуң башкылары доозукчузу школачы чылдарында мөзү-бүдүштүг, уран салым-чаяанныг болгаш спортчу турганын демдеглээн.
Аалчы чыглып келген аныяк-өскенге чагыг-сүмезин берип, сагылга-чурумнуг, өөредилгезинге кызымак болурун чагаан.
Тускай шериг операциязының киржикчизи кыска шөлээзиниң үезинде, төрээн суурунга чону-биле ужуражып келгенинге шамбалыгжылар өөрүп, маадыр чаңгыс чер чурттуунга тура-сорукту, кадыкшылды, тиилелгелиг чанып келирин күзээн.
