“Сүбедей” спорт өргээзинге Бай-Тайга кожууннуң шаңналы дээш болуп эрткен хүреш маргылдаазынга аарыкчылап келген национал хевин бүрүнү-биле кеткен өг-бүлелер аразындан тиилекчилерни илереткенин чагырга чери дыңнаткан.
Бирги черге Кызыл хоорайдан Кежик биле Сай-Суу Тюлюштерниң өг-бүлези төлептиг болган. Оларга 20000 акшаны тывыскан.
Ийиги, үшкү черлерде Кызыл хоорайдан Чаяна биле Чаян Сымчан-оолдарның болгаш Сылдыс биле Сай-Суу Кууларларның өг-бүлелери.
Докпак Дуюг-оол база Орлана Хертектерниң өг-бүлези тускай шаңналга төлептиг болган.
Тыва хүреш байырлалынга национал хептерин чоргааранчыы-биле кеткен улуг назылыглар – 95 харлыг көрүкчү Чылбак-оол Конгарович Хомушку база Демир-оол, Галина Чыдымнарның өг-бүлези болган.
Чер алган болгаш тускай шаңналдарже кирген өг-бүлелерни тус-тузунда шаңнап-мактаан.
