“Аныяктарга регион” төлевилелдиң чорудуу-биле Аныяктар херектериниң талазы-биле федералдыг агентилелдиң мөөрейинге тиилекчилерниң санынче ТР-ниң Аныяктар херектериниң талазы-биле агентилелиниң ажылдап кылганы аныяктар политиказының комплекстиг хөгжүлде программазының концепциязы кирген.
Келир чылын республика аныяктар политиказын хөгжүдер программаның боттанылгазынче 64,4 сая рубльди алыр. Тываның Баштыңы Владислав Ховалыг “Аныяктарга регион” төлевилелдиң адын шынзыдары-биле акша-хөреңгини болчумчалыг кылдыр ажыглаарын чагаан.
Тыва аныяктар политиказының хөгжүлдезинче субсидия алыр Россияның 42 субъектилериниң санынче кирген. Эксперт комиссиязы: эрге-чагырга органнарының база бизнестиң төлээлери, коммерцияга хамаарышпас организацияларның, чогаадыкчы төлевилелдерниң база агентилелдерниң удуртукчулары, хөй-ниити-биле харылзаа тудар специалистер база медиахүрээлелдиң топ-менеджерлери регионнарның мөөрей документилерин хынап көрген.
Аныяктар херектериниң талазы-биле агентилелиниң ажылдап кылганы программазының концепциязы ийи – инфраструктура болгаш хандырылга бөлүктеринден тургустунган. Бии-Хем база Барыын-Хемчик кожууннарда аныяктарны хаара тудар, оларның хөгжүлдезинге база бот-сайзыралынга шимчедикчи күш апаар муниципалдар аразы чергелиг аныяктарга ийи төптү тудары инфраструктура бөлүүнде көрдүнген.
Программаның хандырылга бөлүүнде беш адыр бар: «Эки турачы чорукту хөгжүдери», «Аныяктарның сайгарлыкчы чоруу», спорт-культура, өөредилге болгаш эртем адырлары. Бо адырлар регион деңнелинге аңгы-аңгы чырыдыышкын, медотиктиг, өөредилге хемчеглерин эрттирип, спортчу, чогаадыкчы база культурлуг ажыл-чорудулгаже аныяктарны база аныяк өг-бүлелерни хаара тударын планнаан. Чеди хардан өрү назылыг оолдар, уруглар, 14 хардан 35 харга чедир аныяктар программаның тускай аудиториязы болур.
Тодаргай сан болгаш шынар көргүзүглери, чижээ, аныяктарга кожууннар аразының ийи төвүн, аныяктар политиказының ийи муниципалдыг албан черлерин тутканы, муниципалдыг тургузугларга аныяктар политиказының 13 кижи чедир ажылдакчылар санын көвүдеткени, эки турачы, чогаадыкчы, сайгарлыкчы ажыл-чорудулгага сонуургалдыг аныяк кижилерниң саны дээш, өске-даа сан-чурагайлар программаны боттандырганының түңнелдеринче кирер.
Россияның аныяктар мөөрейинге регионнуң киржириниң кол негелдезиниң бирээзинге 1-40 хуу чедир кады акшаландырыышкынның база 20 хуудан эвес эвес бюджеттен дашкаар акша-хөреңгиниң барын көөр. Ынчангаш Тываның Аныяктар херектериниң талазы-биле агентилел программаны боттандырар дээш республика бюджединде 4,30 сая рубльди тускайлаан.
Школьники Дзун-Хемчикского района пополнили ряды юных друзей полиции
В Дзун-Хемчикском районе госавтоинспекторы провели торжественное посвящение учащихся 5 и 6 классов школы села Хондергей в отряды «Юные инспекторы движения» и «Юный друг полиции».