Сүт-Хөл кожууннуң Кара-Чыраа болгаш Хөр-Тайга школаларының өөреникчилери Бурят Республикага «Найыралдың оруу» VII бүгү делегейниң национал культуралар фестивалынга киришкенин ТР-ниң Өөредилге яамызы дыңнаткан.
– Бистиң өөреникчилеривис «Буга шыдыраа» тыва национал оюнну чедиишкинниг таныштырган. Уругларның делегациязын Кара-Чыраа школазының директорунуң кижизидилге талазы-биле чөвүлекчизи Омак Ондар база төрээн дыл башкызы Айлаңмаа Ооржак үдеп чораан – деп, «Чаш назынның айтыкчылары» төлевилелдиң регионалдыг удуртукчузу Сергей Лопсан чугаалаан.
Фестивальдың программазынче чоннарның культурлуг болгаш езу-чаңчылдарының онзагайының дугайында делгелге-таныштырылгалар, мастер-класстар, эртем-практиктиг конференция база байырлыг концерт кирген.
