Кызылдың профессионал өөредилге черлериниң сургуулдары Н.Крупская аттыг хоорайның ном саңынга «Тыва чаңчылдар таварыштыр кадыкшылче литература-фольклорлуг аян-чорук» деп хемчегге киришкенин ТР-ниң Өөредилге яамызы дыңнаткан.
Сургуулдарга ооң мурнунда кадыкшылының дугайында канчаар сагыш човап турганын, кижилерниң канчаар чемненип база кадыкшылы дээш аңгы-аңгы үелерде чүнү ажыглап турганын чугаалап сонуургаткан.
Ол ышкаш сургуулдарга таакпылаары база спирт холумактыг арага аймаан ажыглааны дээш кеземчениң кандыг хевирлери турганын таныштырган. Лекция төнчүзүнде сургуулдар чугаалажып, боттарының билиин хынап, ном саңында делгелгени сонуургап көрген.
Тываның Өөредилге яамызы ном саңының ажылдакчылары Россияның Тыва Республика талазы-биле Иштики херектер яамызының Наркотиктер садып сайгарар талазы-биле хыналда эргелели-биле хемчегни кады эрттирген. Октябрь 17-ден 28-ке чедир болуп турар «Өлүмнү кайда садып турарын, дыңнат!» деп ниити российжи акцияның ийи дугаар чадазының чорудуу-биле эртип турар.
Ниитизи-биле хоорайның тос профессионал өөредилге черлериниң сургуулдары киришкен.
![Эльвира Ооржак: «Украшения на подушках имеют глубокий смысл, они олицетворяют счастье, долголетие, богатство, процветание и удачу»](https://thumbor.newswave.ru/fevbgn53FyPSXd_vtR6InZKK8Eo=/870x474/https://tmgnews.ru/media/publications/0407367882/cover/rusm5ukkzc.jpg)