Тыва Республиканың Чазааның чанында тургустунган эксперт чөвүлелиниң шиитпирин езугаар 2005 чылда М. Б. Кенин-Лопсанның «Чүгүрүк Сарала» деп чогаалын тыва литератураның баштайгы романы деп бадылаанын Тываның А. С. Пушкин аттыг национал ном саңы дыңнаткан.
«Чүгүрүк Сарала» деп чогаалын М. Б. Кенин-Лопсан Ленинградтың Күрүне университединге өөренип тургаш, 1945-1952 чылдарда бижээн. Ынчалза-даа ол чогаал ниитилелдиң үнелелин албайн барган, ынчангы совет идеология «кижи дугайында эвес, а аът дугайында чогаал-дыр» деп шүгүмчүлээш, чырыкче үндүрбейн барган. Ооң соонда ону 1965 чылда Тываның ном үндүрер черинге директорлап ажылдап турган Сарыглар Максыровна Кудажы «Улуг-Хемниң шапкыны» деп эде адааш, чырыкче үндүрген.
«Улуг-Хемниң шапкыны» тыва литератураның төөгүзүнде «роман» деп жанрга бижиттинген бир дугаар чогаал болуп турар.
