Тываның А. С. Пушкин аттыг национал ном саңы чаяан-салымныг тыва этнограф-эртемден Монгуш Кенин-Лопсанның «Тыва чоннуң бурунгу ужурлары» деп онзагай бижиттинген номундан «Тос дагылга» деп эгени бараалгаткан.
Номнуң кол утказы тыва чоннуң бурунгу культуразынга тураскааткан. Ук ном бистиң бурунгу өгбелеривистиң амгы салгалга арттырып каан алдын үүжезиниң, онзагай байлааның болгаш ыдыктыг чагыгларының чыындызы болур.
Үе-дүптен бээр чоннуң эки чаңчылын салгалдан салгал дамчып кижилер сагып келген. Ол чаңчылдарның аразындан «тос дагылганы» эрттирери чугула турган. Шупту дагылгалар ужур-уткалыг болур. Дагылганы чүгле хамнар, ламалар дагыыр турган. Чүге дээрге оран-чер ээлерин кыйгырып, өршээл дилеп, кежиин хайырлаар кылдыр дилээр турган.
