ТР-ниң Дээди Хуралының «Тыва эки турачы эскадроннуң тугу» деп эстафетазы Улуг-Хемниң Хайыракан сумузундан эгелээш, бүгү Тываны эргий кезиир.
Совет Эвилелиниң Маадыры, тыва эки турачыларның аъттыг шериг эскадронунуң командири Түлүш Балдаңович Кечил-оолдуң өскен чурту Хайыракан сумузундан Улуг Тиилелгениң 80 чыл оюнга тураскаадып, эки турачы эскадроннуң тудуп чораан тугунуң хоолгазын бүгү Тываны эргий кезиир езулал Хайыракан сумузундан эгелээн.
Хайыракан ортумак школазынга тускай шериг операциязының киржикчизи Чаян Владимировичиниң киржилгези-биле байырлыг чыскаал болганын өөредилге чери дыңнаткан.
Школаның хоочун башкызы, Россия Федерациязының өөредилгезиниң хүндүлүг ажылдакчызы, Күш-культура болгаш спорттуң тергиини, "Бичии болгаш элээди уруглар аразынга туризмни сайзырадып турары дээш үлүг-хуузу" деп хөрек демдээниң эдилекчизи Иван Викторович Шойнуу уругларга тыва эки турачылар дугайында төөгүлүг дыӊнадыгны таныштырган.
Өөреникчилер төрээн чуртунуң маадырларының дугайында ажыктыг, солун чүүлдер билип алганынга өөрүп, четтиргенин илереткеннер.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.