Бай-Тайга кожууннуң Хемчик сумузунуң культура одаанга Ада-чурттуң Улуг дайынынга Тиилелгениң 80 чыл оюнуң бүдүүзүнде тыва эки турачы Чудурукпай Эртине оглу Иргиттиң (төрүттүнгенде херечилелде ады) улуг сактыышкын-мөгейиг хүнү бедик деңнелге эрткенин чагырга чери дыңнаткан.
Ада-чуртчу хемчегге тыва эки турачының оглу – Чудурукпай Борис Григорьевичиге «Бай-Тайга кожууннуң алдарлыг малчыны» деп атты тывыскан.
Хемчиктиң Айлаңмаа Арбычыгааевна аттыг школаның коллективи болгаш өөреникчилери, Хемчик суму чагыргазының удуртулгазы, кожууннуң хоочуннары, культура ажылдакчылары, Чудурукпай Григорий Эртинеевичиниң салгалдары тыва эки турачының оглунга хүндүлүг атты тывысканы дээш Бай-Тайга кожууннуң Төлээлекчилер хуралынга өөрүп четтиргенин илереткен.
