Чөөн-Хемчик кожууннуң Хорум-Даг школазының башкызы Маргарита Шойдак «Өөрүшкүнүң медээзи» деп ада-чуртчу акцияны бир дугаар баштап эгелээнин Чеди-Хөл кожууннуң чагыра чери дыңнаткан.
Акцияның эң аныяк киржикчизи Өлзей Шойдак дээрзин демдеглээри чугула. Өлзей – тыва эки турачы Бегзи-Хуурак Донгактың дөрткү салгалының төлээзи. Ол 19-ку марш-походка киришкен. Бо хемчег төрээн чурту дээш амы-тынын берген шупту маадырларга сактыышкын-мөгейиг болган.
Ак-Тал школазының коллективиниң чалалгазы-биле Ада-чурттуң Улуг дайынының киржикчизиниң салгалы Өлзей, куратору Радион Сана болгаш Маргарита Дугаржаповна Улуг Тиилелгениң 80 чыл оюнга, Ада-чурт камгалакчызының чылынга база улуг сержант Бегзи-Хуурак Хелиң-ооловичиниң 104 харлаанынга тураскааткан марш-походка киришкен. Олар фронтучу өгбезиниң чырык адын сактып, 170 километр орукту кылаштап эрткеннер.
Ада-чуртчу хемчеглерге аныяк-өскенниң идепкейлиг киржилгези – төөгүге, чуртувусту камгалап чораан маадырларның дугайында сактыышкыннарны кадагалап арттырарынга дээштиг аргаларның бирээзи.
