Бай-Тайга кожууннуң Тээлиде чурт-шинчилел музейиниң эргелекчизи Светлана Самбый-оол болгаш сумунуң хоочуннары Тээли ортумак школазының өөреникчилеринге тыва эки турачы Алексей Сайын-оолович Адыгбайның дугайында сактыышкын-мөгейиг хүнүн эрттиргенин чагырга чери дыңнаткан.
Улуг Тиилелгениң 80 чыл оюнга тураскааткан хемегге маадырның уруу, кожууннуң культуразының алдарлыг ажылдакчызы Антонина Алексеевна чыылганнарга ада-иезиниң дугайында чылыг сактыышкыннарны кылган.
Уран чүүл школазының башкызы Белек Бегзи аялгазы болгаш сөзү Тываның алдарлыг артизи чораан Андрей Өпейниң "Адыгбай акывыс" деп ырызын бараалгаткан.
Кым-даа, чүү-даа уттундурбаан!
