Владивосток хоорайда бо хүннерде эртип турар бүгү Россияның «МедиаЛаб» школачы медиа-төптериниң сменазында Тывадан уруглар киржип турарын ТР-ниң Өөредилге яамызы дыңнаткан.
Кызыл хоорайның 15 дугаар лицейиниң, Сарыг-Септиң 1 дугаар база Кызыл-Мажалыктың 1 дугаар школазының өөреникчилери школачы меди-төптер ортузунга шилилге мөөрейге тиилээш, «Океан» бүгү Россияның уруглар төвүнче путевканы чаалап алганнар.
«Океан» уруглар төвүнде март 13-тен тура бүгү Россияның «МедиаЛаб» школачы медиа-төптериниң сменазы ажылын эгелээн болгаш, апрель 3-те төндүрер.
Ээлчегниң ажылынче өөредиглиг болгаш өөредилгеден дашкаар программа, солун ужуражылгалар, «Школа медиазының фестивалы» дээш оон-даа өске солун чүүлдер кирип турар.
