Бо чылын Тывада арга-арыгже киреринге хыналданы күштелдиргенинден кижилерниң буруузу-биле болган өрттер саны 40 хуу кызырылган.
Республиканың чамдык кожууннарынга IV база V класстың бедик болгаш онза өрт айыылы хевээр арттарындан, республиканың удуртулгазы өртке удур онза чурумну узадыр шиитпирни хүлээп алган.
Арга-арыг кирери, от-көс ажыглаары, кургаг сиген база бок өрттедири дээн ышкаш, кызыгаарлаашкыннар хевээр арткан. Тайга кирерде кожууннарның арга-арыг ажыл-агыйларында арга-арыг камгалаар инспекторларынга бүрүткедип, азы ТР-ниң Арга-арыг ажыл-агый болгаш бойдус курлавыр яамызындан: Кызыл хоорай, Калинин кудумчузу, б. 1Б-ден, тускай бижикти алыр.
Өртке удур онза чурум үезинде чурум үрээшкини дээш торгаалдарны улгаттырган. Хамаатыларга торгаалды 40 муң, юридиктиг черлерге – 500 муң рубль чедир өстүрген.
Россияның Онза байдалдар яамызының Тывада Кол эргелелиниң база регионалдыг арга-арыг яамызы республика чурттакчыларынга кызыгаарлаашкыннарны билип, ону хажыт чокка сагыырын чагаан. Өжүртүнмээн чаңгыс таакпы он-он гектар черни узуткап, бойдуска улуг когаралды чедирерин албан чери сагындырган.
Бир эвес арга-арыгда өрт үнгенин эскерип кагзыңарза, 112 чаңгыс дугаарже, азы 8 (800) 100-94-00 дугаарлыг “изиг шугумче”, Тываның Хамааты камгалал болгаш онза байдалдар херектериниң талазы-биле албанының “изиг шугуму” – 8 (39422) 6-02-46 дугаарже долгаарын сагындырып тур.
2023 чылда өрт айыылының сезону эгелээнинден республиканың арга-арыг фондузунуң черлеринге 3581 га ниити шөлдүг 96 арга-арыг өрттери болган. Оларның дөрттүң биринде кижилер буруулуг
Путин выступил со срочным обращением
В ходе обращения Президент заявил о применении против РФ дальнобойного оружия Запада, а нанесение ударов по территории РФ западными дальнобойными ракетами придало конфликту на Украине черты глобально…