Эртен, май 15-те, Тываның сугларынга биче хемчээлдиг хемелерниң эжиндириишкин сезону ажыттынар. Россияның Онза байдалдар яамызының Тывада Кол эргелелиниң начальнигиниң оралакчызы Валерий Шыырап эжиндириишкин сезону ноябрь 1-ге чедир уламчылаарын дыңнаткан.
Амгы үеде Россияның Онза байдалдар яамызының Тывада Кол эргелелиниң биче хемчээлдиг хемелер талазы-биле күрүне инспекциязының ажылдакчылары оларда бүрүткеттинген биче хемчээлдиг хемелерниң хыналдазын чорудуп турар. Регионда сугже үндүреринге белен 2900 ажыг хеме, оларның аразында моторлуг хемелер болгаш аңгы-аңгы эштир чүүлдер бүрүткеттинген.
Эжиндириишкин сезонун ажыдар мурнунда, күрүне инспекциязынга хамааржыр хемелерниң беленин республиканың суг объектилеринге хынаар. Ол хемелер суг объектилеринге биче хемчээлдиг хемелерни ажыглаарының дүрүмнерин хажытпазын болдурбазынче угланган хайгаарал болгаш рейдилер чорударынга ажыглаттынып турар.
Суг объектилеринге айыыл чок чорукту хандырар дээш дүрүмнерни сагыырының чугулазын тускай мергежилдиглер онзалап демдеглээн.
