Тываның Чазаа 2024 чылдың тос айларында каттышкан бюджет күүселдезиниң түңнелдерин үндүрген. Бюджеттиң орулгалар кезээниң планы 68 хуу күүсеттинип, 41 млрд. 631 сая рубль болган. А чарыгдалдары – 41 млрд. 889 сая рубль, чедишпээни – 258 сая рубль.
2023 чылга деңнээрге боттуң орулгалары 20 хуу көвүдеп, 10 млрд. 494 сая рубль (+1 млрд. 754 сая рублей) четкен. Орулгалар талазы-биле чылдың планы 74 хуу күүсеттинген.
Шупту кол дөстерде киирилделер өзүлделиг болганы демдеглеттинген. Организацияларның орулгазындан 1 млрд. 259 сая рубль үндүрүг кирген, 2023 чылдың январь-сентябрьга деңнээрге 41 хуу хөй. Кижилерниң орулгаларындан 5 млрд. 272 млн. рубль үндүрүгнү казна алган, өзүлде – 954 сая рубль азы 22 хуу.
1 млрд. 354 сая рубльге акцизтерни чыгган, 2 хуу өзүлделиг азы 30 сая рубль хөй. Үндүрүг онаалдазының бөдүүнчүткен системазын ажыглап турарлардан киирилде 33 хуу көвүдээн – ниити түңү 607сая, азы эрткен чылдың январь-сентябрьга көөрде 151 сая рубль хөй.
Ооң мурнунда чылга деңнээрге, профессионал ажыл-чорудулга орулгазындан кирген үндүрүг ийи катап көвүдеп, 10 сая рубль турганындан 20 сая рубль четкен. Республиканың Саң-хөө яамызы боттарын ажыл-биле хандыртынган кижилер саны 3,9 муңга көвүдээнинде деп тайылбырлаан. 2024 чылдың майда үндүрүг чурумун ажыглап турар 17455 хуу кижилер база сайгарлыкчылар бары үндүрүг учедунда демдеглеттинген.
Тываның бюджединиң чарыгдалдары социал угланыышкынныг болуп арткан. 41,8 млрд. рубльдиң 72 хуузу, азы 30,3 млрд. ажыы социал адырга онаажыр. Чарыгдалдарның хөй кезиин, азы 40 хире хуузун – 16,9 млрд. рубльди өөредилгеже угландырган, а 7,9 млрд. рубльди (18 хуу) – чурттакчы чоннуң социал деткимчезинче тускайлаан.
Здравница «Чедер» после модернизации предлагает новые возможности для оздоровления
После недавней модернизации в рамках первого этапа Индивидуальной программы социально-экономического развития