Чаңгыс аай пособие дугайында хоойлу күш киргенден бээр, Тыва Республикада 16 муң ажыг уругга база 1300 ажыг иштиг херээжен улуска төлевирлер дээш 210 ажыг сая рубльди шилчиткен.
Россияның Социал фондузу чаңгыс аай пособиени социал казначейство хевирлиг томуйлаан. Ол дээрге, ада-ие төлевир алырда Күрүне ачы-дуза порталы таварыштыр билдириишкинни киирер. Арткан медээлерни албан черлериниң аразында удур-дедир харылзашкаш, ИХЯ, ФҮА, Росдаңзы болгаш өске-даа органнар база информация система таварыштыр чоруттуруп алыр.
Ооң мурнунда ап турган социал деткимчелерни: бирги база үшкү уруг үш хар четкижеге төлээр ай санының төлевирин, 3-7 харлыг база 8-17 харлыг уругларга ай санының төлевирин, иштиг херээжен улуска ай санының төлевирин чаңгыс аай пособие солаанын сагындыраал.
Өг-бүлелер ооң мурнунда томуйлаан үстүнде шупту төлевирни хуусаазы четкижеге ап, чаңгыс аай пособиеже чоорту шилчиир. Хамааты кижи чаңгыс аай пособиеже кайы-даа үеде шилчип болур.
Россияда доктаамал чурттап турар российжи хамаатылар чаңгыс аай пособиени алыр. Төлевирни томуйлаарда, өг-бүлениң орулгаларынга база эт-хөреңгизинге ниити үнелелди кылыр. Ол ышкаш ада-иениң ажылдап турарын, азы чүге ажылдавайн турарын база өөренип көөр.
Россияның Социал фондузунуң Тыва Республикада салбарының регионнуң контакт-төвүнүң 88002000543 дугаарлыг телефонунче ажыл хүннеринде 09.00 шактан 18.00 шакка чедир долгааш, специалистерден тайылбырны ап болур.
ВТБ откроет представительство в Туве
До конца года в Туве откроется представительство одного из крупнейших банков России — ВТБ.