Тывада чурттакчы чоннуң өнчү-хөреңгиге өрези 190 сая рубль четкен

Чер участоктары, бажыңнар, квартиралар, транспорт аймааның ээлери чылда бир катап, декабрь 1-ге чедир ол бүгүге үндүрүглерин төлээр ужурлуг. Ындыг болзажок чамдык үндүрүг төлекчилери боттарының дорт хүлээлгезин күүсетпейн турар.

Тыва Республиканың Чазааның 2022 чылдың май 24-те 262-р дугаарлыг айтыышкынын үндезин кылгаш, республиканың девискээринде кижилерниң өнчү-хөреңгиге үндүрүглериниң чыылдазын көвүдетпишаан, Тываның каттышкан бюджединде чедишпес түңнү эвээжедип, ону долдурар сорулга-биле июнь 1-ден июль 1-ге чедир өнчү-хөреңги үндүрүглерни чыыр шалыпчы айны эрттирерин чарлаан. Ол үеде кижилерниң өнчү-хөреңги, чер база транспорт үндүрүглеринде өрелерин эвээжедири планнаттынган.

Россияның Федералдыг үндүрүг албанының Тыва Республикада эргелелиниң дыңнадыы-биле алырга, 2022 чылдың май 1-ге чедир 187,6 сая рубль түңнүг өнчү-хөреңги өрези төлеттинмээн. Ооң иштинде 27,0 сая рубль (14 хуузу) кижилерниң өнчү үндүрүүнге, 50,0 сая рубль (27 хуузу) – чер үндүрүүнге, 110,4 сая рубль, азы өрениң 59 хуузу транспортка үндүрүг өрези болуп турар.

Үндүрүглерде кандыг өрелер барын дараазында аргалар-биле көрүп болур:
- Федералдыг үндүрүг албанының сайтызында "Үндүрүг төлекчизиниң хууда кабинеди”;
- Күрүне ачы-дуза порталы;
- Хөй ажыл-чорудулгалыг төп;
- Үндүрүг албан черининиң www.nalog.gov.ru;
“Кижиниң үндүрүглери” мобильдиг капысырылгадан (iOS база Андроид: App Store база GooglePlay шөлчүгештерде).

Федералдыг үндүрүг албанының сайтызында "Үндүрүг төлекчизиниң хууда кабинеди”; Күрүне ачы-дуза порталы; Хөй ажыл-чорудулгалыг төп gosuslugi.ru; Чээли албан чери; Почта салбыры таварыштыр үндүрүглерде өрелерни төлеп ап болур.

Айтырыглар тургустуна берзе, Россияның Федералдыг үндүрүг албанының Тыва Республикада эргелелиниң (Кызыл хоорай, Московская кудумчузу, б.8) дараазында телефоннарындан айтырып болур: 8 (394-22) 9-41-71, 9-41-65, 9-42-58, 9-41-57 - 9.00 шактан 18.00 шакка чедир, а дүштеки чапсары - 13.00 - 14.00 шакта.

#Тываныңчазаа #Федералдыгүндүрүгалбаныныңтывареспубликадаэргелели #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews