2023 чылдың түңнелдери-биле Тывада амыдырап чурттаар деңнелдиң үстүкү хемчээлинден эвээш орулгалыг чурттакчы чоннуң үлүү ооң мурнунда чылдан 2,4 хуу эвээш, азы чурттакчы чоннуң ниити санының 23,5 хуузу болган. ТР-ниң Күш-ажыл болгаш социал политика яамызы республика чазааның хуралында, ындыг дыңнадыгны күрүне илеткелинде медеглээн.
2023 чылдың декабрьда Тывага 96432 өг-бүлеге 128131 уруг турганын сагындыраал. Чурттакчы чоннуң кижи санынга ортумак орулганы 13,8 хуу – 28920 рубль чедир өстүргенинден өг-бүлелерниң материалдыг байдалы экижээн.
Күш-ажыл төлевириниң кудуку хемчээлин 6,3 хууга – 15279 рубльден 16242 рубль чедир өстүргенинден орулгалар өскенин тускай мергежилдиглер тайылбырлаан. Тывада район болгаш соңгу чүк немелделерин санаанындан, ажылдакчыларның кудуку шалыңы 36 559,8 рубль четкен.
Республикада ортумак шалың төлевириниң түңү 57 243,9 рубль. Банкыларда база тывыш бүдүрүлгелеринде, машиналар болгаш дериг-херекселдер септеп, эптээр адырда шалың ортумак республика деңнелинден 1,5 -2,6 катап улуг.
Президентиниң «май чарлыктарынга» даянгаш, бюджет албан черлериниң ажылдакчыларының – ниитизи-биле 19 муң ажыг кижиниң шалың төлевирин өстүрген. Тывада амыдырап-чурттаарының хемчээлинден эвээш пенсиялыг 17 муң пенсионерлер немелделерни ап турар.
Оон аңгыда эрге-чагырга черлери ажы-төлдүг өг-бүлелерни деткиир, чаа ажылчын олуттарны ажыдар, ажыл-биле бодун хандыртынар байдалдарны тургузар, “бүдүүлээн” экономиканы ажык-чарлыг болдурар дээн элээн каш хемчеглерни ап чоруткан. Тускай шериг операциязының киржикчилеринге төлевирлер база ужур-дузалыг болган. Ооң түңнелинде республиканың чурттакчы чонунуң боттуг акша орулгалары 2022 чылга деңнээрге 6,5 хуу көвүдээн.
![Центр общественного наблюдения приступил к работе](https://thumbor.newswave.ru/9Ckxj5QHohjVneOmGKAuPhAcO_E=/870x474/https://tmgnews.ru/media/publications/5275148139/cover/tndel8vqhyzrqrzqld2happy0grmni389kgerz4fojte0p2wpxvzfeoolhskuui-u-ljqhk3cmj4d0q0nyt4mubu.jpg)
Центр общественного наблюдения приступил к работе
Сегодня в Туве в 08:00 открылись участковые избирательные участки. Как сообщает общественная палата РТ, открытие УИКов традиционно началось с звучания гимнов России и Тувы.