Өг-бүле, ынакшылдың болгаш шынчы чорук хүнүнде Тывада үлегерлиг хөй ажы-төлдүг өг-бүлелерге чаңгыс удааның акша-хөреңги деткимчезин бээрин көрген. ТР-ниң Чазаа өг-бүлелерниң чамдык бөлүүнге социал деткимче хемчеглериниң дугайында регион хоойлузунга хамаарышкан эдилгени бадылаан. Ам ТР-ниң Дээди Хуралы хоойлуже киирер өскерилгелерни сайгарып көргеш, шиитпирни үндүрер.
Чээрби беш чылдан хөй өг-бүле стажтыг, “Ынакшыл болгаш шынчы чорук дээш” хөй-ниити медалы-биле шаңнаткан, үш азы оон хөй ажы-төлдү төлептиг кижизиткен өг-бүлелерге беш муң рубль шаңналды тыпсыр дээн эгелээшкинни хоойлуже киирерин саналдаан. Бадылгалыг 50 чыл ажыг чурттаан, «Өг-бүлениң үнелиг чүүлдерин кадагалап арттырганы дээш» Тываның медалы-биле шаңнаткан өг-бүлелерге 50 муң рубльдиң шаңналын көрген.
Тываның Чазаа оон аңгыда, “Чылдың өг-бүлези” деп бүгү-российжи мөөрейге тиилекчи болган өг-бүлелерге база ада-ие алдарының бедик ады – “Маадыр ие” атка төлептиг болган хөй ажы-төлдүг иелерге немелде төлевирлерни киирер сорулгалыг. “Чылдың өг-бүлези” мөөрейге тиилээни дээш 100 муң рубльди, а Маадыр-иелерге бир сая рубль федералдыг акшага немей 500 муң рубльди Тываның бюджединден тыпсыр.
ТР-ниң Күш-ажыл яамызының дыңнатканы-биле алырга, 2025 чылда ниитизи-биле 79 өг-бүлени база Маадыр иени төлевирлер-биле шаңнаар. Маадыр ие кымыл дээрзи билдингир – ол 11 ажы-төлдүң авазы, тускай шериг операциязының киржикчизи Олимпий Монгуштуң өөнүң ишти Айнааш Ондар-дыр. Россияның Президентизи 2024 чылда Айнааш Владимировнага бедик атты тывыскан.
Кожуун чагыргаларының тускай комиссиялары база ТР-ниң Күш-ажыл болгаш социал политика яамызы немелде шаңналче киирер арткан кордакчыларны ам-даа тодарадыр.
В Туве стартовали игры Кубка Главы Республики Тыва по волейболу среди ветеранов
Сегодня в республике начались игры Кубка Главы Республики Тыва по волейболу среди мужских и женских команд ветеранов.