Тываның Баштыңы Владислав Ховалыг ниитилел мурнунга Айыткалын таныштырып тура, Көдээ ажыл-агый яамызы амгы информация технологияларын ажыглап ажылдаар ужурлуг дээрзин айыткан. Ынчангаш албан чериниң ажыл-чорудулгазының шупту угланыышкыннарынга эде тургустунар даалгаларны берген.
– Көдээ ажыл-агый бүдүрүкчүлеринге субсидиялар болгаш грантыларны үлеп хуваарда, конкурс чорудуунуң ажык-чарлыын хандырып, коррупциялыг хөделиишкиннерни болдурбас дээш, херек документилер чыылдазын чүгле хөй ажыл-чорудулгалыг төптер таварыштыр организастаарын дагзып тур мен – деп, Тываның Баштыңы чугаалаан.
Тываның Баштыңы ажыл-агыйларга четчир мал чемин курлавырлап алыр дээш, суггаттыг черлерге хөй чылдыг сигенни тарыырын, инвесторларның рапсты тарып өстүрер дээн саналын боттандырып эгелээрин негээн.
Ажыглаттынмайн чыдар алгы-кеш аймаандан мал-маган чеминге немей бээр хоолулуг бүдүмелдер бүдүрүлгезин Тывага тургузар. Ооң-биле чергелештир, Көдээ ажыл-агый яамызы алгы-кеш эттээр цехтиң технологияларын тургузуп, ону организастаарынче кирер.
Чурттакчы чонга балык продукциязының хөй янзылыын көвүдедири-биле балык аймаан ыштаар, консервалаар, болбаазырадыр ажылды күштелдирерин Владислав Ховалыг айыткан.
Республика Чазааның белорусс партнерлар-биле дугуржулгазы езугаар, мал эмнериниң хандырылгазы база бойдус байлаан болбаазырадыр технологияларны ажыглалче киирериниң талазы-биле Тывага солун айтырыгларны көрүп турарын Тываның Баштыңы дыңнаткан.
Тывачазак Көдээажыл_агый
В Тандинском районе проинспектировали ход строительства объектов
Сегодня в рамках рабочего визита заместитель Председателя Правительства Республики Тыва Айдын Чюдюк совместно с первым заместителем министра строительства Тувы Салимом Санчы и директором ГКУ «Госстро…