Тывада күрүне өнчү-хөреңгизин хуужударының дугайында дыңнадыглар ажык болгаш чедингир апаар

Тывада күрүне өнчү-хөреңгизин хуужударының албан езунуң шупту медээлерин www.minzem.rtyva.ru сайтыга салыры албан. ТР-ниң Чер болгаш өнчү хамаарылгаларының яамызының арынын күрүне өнчүзүнүң объектилерин хуужударының дугайында Интернет четкизинде шынныг медээлерниң кол дөзү болурун республика Чазааның айтыышкыны-биле тодараткан.

Хуужудулга медээлерин салган арткан шупту курлавырлар, чижээ, өнчү садыгжызының сайтызы ам ТР-ниң Чер болгаш өнчү хамаарылгаларының сайтызынга бодаарга, ийиги чергениң кылдыр санаттынар.

Документ информация үделгезиниң кезээнде күрүне өнчүзүн хуужудар аргаларны чурумчудар ужурлуг деп, яамы тайылбырлаан. Сайтыга күрүне болгаш муниципалдыг өнчү-хөреңги хуужудулгазының баш бурунгаар планнарын, садыглаашкынче кирген өнчү-хөреңгиниң даңзызын, хуужудулганың негелделерин, ол ышкаш тодаргай дугуржулгаларның түңнелдерин болгаш ниитизи-биле хуужудулганың чыл программазын күүсеткениниң дугайында отчеттарны парлаар.

Тывада күрүне өнчү-хөреңгизиниң хуужудулгазы уламчылап турарын айтыр апаар. Дээди Хуралдың бадылааны хуужудулга планы езугаар, 2024 чылда үш күрүнениң унитарлыг бүдүрүлгени – «Орук шимчээшкинин организастаар төп», «Техниктиг ончалал бюрозу», ол ышкаш «Информация технологияларының төвү» казна бүдүрүлгезин эде чаарткан.

Республиканың эрге-чагыргазы «Суй-Белек», «Тувастрой» база «Тувабурвод» компанияларның доктааттынган капиталында бодунуң киржилгезин кызырар. Чазак «Суй-Белек» компанияның акцияларының контрольдуг пакедин бодунда арттыргаш, а 49 хуузун боттуг инвесторларга аукционга садар. Акцияларның 49 хуузу амдыызында чазакка онаажыр, бажың-балгат техниказы садып турар «ЮФТИ» компанияны бүрүнү-биле хуу өнчүже дамчыдар планныг. Оон аңгыда эрге-чагырга «Туран» сыын ажыл-агыйының акцияларының 51 хуузун бизнеске дамчыдып бээринге белен.

Федералдыг эрге-чагырга күрүнениң унитарлыг бүдүрүлгелер болгаш муниципалдыг унитарлыг бүдүрүлгелерни дүрген хуужударын негеп турарын сагындыраал. Ылаңгыя оларның организастыг-эрге-хоойлу болгаш удуртулгазының дээштии кудуку деңнелде деп санаан. Хамаарышпас директорларлыг директорлар чөвүлели дээн ышкаш боттуг контрольдуң, болгу дег чүүлдер-биле ажылдаар удуртулга системазының чогу – оларның санында.

«Конкуренцияны камгалаарының дугайында» хоойлу езугаар унитарлыг бүдүрүлгелер 2025 чылдың январь 1-ге чедир ажыл-агыйның бир аңгы хевирлеринче шилчиир азы дүжер ужурлуг. Бир эвес ону кылбас болза, хуужударының дугайында шиитпирни суд чорудуу-биле хүлээп алыр апаар.

Күрүне акционерлиг ниитилелдерниң капиталындан үнер болгаш оларга боттарының киржилгезин кызырар дээн тускай угланыышкынныг ажылды чорудуп, оларны рынок ажыл-чорудулгазынче киирер ажылды кылып турар.