Республиканың Чазаа керээлиг шериг албанынче кирген кижилерге немелде төлевирлер дугайында доктаалды хүлээп алган.
Бир чыл хуусаалыг керээни чаргаш, Россияның Чепсектиг Күштериниң шериг кезектеринче прапорщик, сержант база солдат эрге-дужаалдыг чоруткан Тыва Республиканың шериг албанныглары төлевирни алыр.
2023 чылдың май 1 соонда керээ чарган шериг албанныглар деткимчениң ол хемчээнче кордап болур. Акша-хөреңгини Тыва Республиканың Чазааның курлавыр фондузундан үндүрер.
Чаңгыс удааның төлевир акшазының хемчээли – 100 муң рубль. Шериг албанныг кижи керээни чарып алгаш, төлевирни алыры-биле республиканың Күш-ажыл болгаш социал политика яамызынче билдириишкинни киирер. Билдириишкинден өске документилер киирери көрдүнмээн.
Шериг албан-хүлээлгелиглерни шилиир регионалдыг пункт-биле медээлерни шүүштүрген соонда, төлевирни ооң адынче шилчидер. Билдириишкин киирген хүнден эгелеп 10-15 хонук дургузунда, чамдык таварылгаларда 30 хонуктуң дургузунда төлевир акшазы шилчип кээр.
Бо чылдың май 31-ге чедир керээ чарган база билдириишкин киирген шериг албан-хүлээлгелиглерге чаңгыс удааның төлевирин шилчидип берген. Бо чылдың июньда кирген билдириишкиннерниң документилерин белеткеп турар, шериг албан-хүлээлгелиг кижиниң агар санынче төлевир бо хүннерде кирип кээр.
Тываның студентилери буддийжи университеттерде
Дээди өөредилге черлериниң студентилери буддизмниң философиязын, медициназын болгаш сарыг шажын уран чурулгазын өөренип турар.