2020-2024 чылдарда Тываның социал-экономиктиг хөгжүлдезининиң амы-хууда программазының чорудуу-биле эрткен чылын ажыттынган «Восток» тускайжыттынган хууда тудуг» кызыгаарлаан харыысалгалыг ниитилел “Ийиги чергениң чиг-эт материалындан (резин тогланчылар) резин плитка болгаш брусчатка бүдүрүлгези» инвестиция төлевилелин боттандырар ажыл-чорудулгазының чөпшээрелин алган болгаш күчүзүн улгаттырар деп турар.
Бүдүрүлгениң ажылдакчылары чөпшээрелдиг резин шывыгларын белеткээринден аңгыда ону чадарын база өөренип алган. Олар бо чылдың эгезинде Казань хоорайга тиг чок резин шывыглар чадар тускай курстарны эрткен.
ТР-ниң Экономиктиг хөгжүлде болгаш үлетпүр яамызы бүдүрүлге эрткен чылгы планын долузу-биле күүсеткенин дыңнаткан. Төлевилелин боттандырарынга Тываның социал-экономиктиг хөгжүлдезининиң амы-хууда программазындан 42 780 муң рубльди дериг-херексел садарынче аңгылаан. 792 дөрбелчин метр шөлдүг бүдүрүлге цегиниң аңгы оран-савазын туткан. Он беш кижи ажылчын олут-биле хандырттынган. Бюджеттен дашкаар фондуларже дадывырлар шилчидер хүлээлгезин күүсеткен. Инвестор бүдүрүлгеже 19,5 сая хире боттуң акша-хөреңгизин киирген.
Ук төлевилел республиканың девискээринде уруглар садтары, школалар, спортчу шөлчүгештер, стадионнар, парктар, бажың чанының девискээрлерин... резин шывыг-биле чаагайжыдар арганы тургускан.
Бүдүрүлге бо чылын республикада ажыглалче киирер чаа школалар, спортчу шөлчүгештер болгаш өске-даа социал объектилерни резин шывыг-биле хандырар.
