Тываның БаштыңыВладислав Ховалыг Кадыкшыл чылын хаап тура, «Кадык камгалалы» национал төлевилелдиң көдээ эмнелге албан черлериниң инфрастургузуу элээн экижээнин демдеглээн.
Республиканың эмнелге, социал, өөредилге болгаш спорт албан черлеринге, хөй-ниити организацияларынга болгаш эки турачыларга чылды чедиишкинниг эрттиреринге үлүг-хуузу дээш өөрүп четтиргенин илереткен.
Чыл доозулган-даа болза, чоннуң кадыкшылын камгалаар ажылдар мурнады боттандырар сорулга болуп артканын, ол демдеглээн. Ооң күүселдези-биле, Тывада уруглар эмнелгези, онкодиспансер база туберкулезка удур эмнелге дээн ышкаш улуг эмнелге объектилериниң тудуу кидин түлүк чоруп турар.
Бо чылын «Узун болгаш идепкейлиг чуртталга» деп президентиниң чаа национал төлевилели чуртта эгелээнин сагындыраал. Ол ышкаш Тывада «Кадыкшылче орук», «Уругнуң кадыкшылынче орук», «Кадык болгаш чедимчелиг өг-бүле» деп үш чаа төлевилел ажылын эгелээн.