Тываның Баштыңы Владислав Ховалыг Россияның кадык камгалал сайыды Михаил Мурашко-биле видеохарылзаа таварыштыр республиканың уруглар эмнелгезиниң тудуунга хамааржыр айтырыгларны чугаалашкан.
Баштайгы төлевилелде тудугнуң чамдык чүүлдеринге даштыкыга бүдүрген инженер материалдарын болгаш элементилерни ажыглаары көрдүнүп турганындан, бөгүнде ол болдунмас апарган. Ынчангаш регионнуң Кадык камгалал яамызы документини эде кылгаш, катап чөпшээредип, күрүне экспертизазын эрттиреринче катап чорудар деп шиитпирлээн.
Владислав Ховалыг республиканың уруглар эмнелгениң чаа оран-савазын тудуунче эдилгелер кииреринге бүрүн билиишкинни, тудуг ажылдарынга деткиишкинни федералдыг сайыт Михаил Мурашкодан алган.
Ийи тала тургустунган байдалдан үнер чаңгыс аай шиитпирни тыпкан. Оран-саваның каъдын кызырары эң таарымчалыг арга ол деп, бодалга келгеннер. Ындыг болзажок эмнелгениң шөлүн кызылбас болганнар. «Амгы турар эмнелге тудуглары-биле кады ол бүдүн эмнелге комплекизи апаар» – деп, Владислав Ховалыг демдеглээн.
РФ-тиң Кадык камгалал яамызының харыысалгалыг тускай мергежилдиглерден кадык камгалал объектизин тударынга чаа медтехниктиг негелделерге чөпшээрелди алганын Тываның Баштыңы дыңнаткан. Регионнуң Кадык камгалал яамызының эде кылган төлевилелинге күрүне экспертизазының түңнели келир чылдың февральда болу бээр.
2021 чылдың чайынында, Владислав Ховалыг республика баштыңының албан хүлээлгезин күүседип турар үеде, РФ-иң кадык камгалал сайыды Михаил Мурашко-биле ужурашкаш, республиканың уруглар эмнелгезиниң чаа оран-савазын тударынга чугааны чорутканын сагындыраал.
Михаил Мурашконуң даалгазы-биле РФ-тиң Кадык камгалал яамызының штаттан дашкаар педиатр эмчизи Татьяна Куличенко республикага ол-ла чылын келгенде, Кечил-оол кудумчузунда республика эмнелгези-биле уругларның соматика салбырының амгы оран-саваларының чанынга чаа уруглар эмнелгезин тудар черге чөпшээрелди алган. Бо чылдың чазынында “Восток” кызыгаарлаан харыысалгалыг ниитилел тудуг организациязы айыттынган девискээрде белеткел ажылдарын эгелей берген.
Төлевилел езугаар аңаа 150 оруннуг эмнелге туттунар, ТР-ниң Кадык камгалал яамызы ынаар республиканың 1 дугаар эмнелгезиниң уруглар кезер салбырын көжүрерин планнаан.
Путин выступил со срочным обращением
В ходе обращения Президент заявил о применении против РФ дальнобойного оружия Запада, а нанесение ударов по территории РФ западными дальнобойными ракетами придало конфликту на Украине черты глобально…