«Тыва Республикада эртем болгаш чаартылга ажыл-чорудулгазының хөгжүлдези» күрүне программазын күүседири-биле Тываның Чазаа аныяк эртемденнерге грантылар тыпсыр мөөрейже билдириишкиннерни хүлээп эгелээнин дыңнаткан.
Эртем төлевилелдерин боттандырары-биле республика бюджединден субсидияларны берип тургаш, ооң деткимчези-биле аныяк эртемденнерни болгаш эртемденнер коллектвитерин шилип алыры-биле мөөрейни эрттирер.
Россия Федерациязының 35 хар четпээн хамаатылары, республиканың девискээринге доктаамал чурттап чоруур болгаш Тываның девискээринде эртем, эртем-педагогиктиг ажылдакчылары, өөредилге организацияларының, эртем азы өске-даа организациялар ажылдакчылары, эртем азы эртем-техниктиг ажыл-чорудулгалыг аспиранттар, магистрантылар, эртем талазында чедиишкиннерлиг болгаш чогуур эртемнерде шинчилелдер кылып чоруур студентилер киржип болур.
Эртем-технологтуг мурнады көөр угланыышкыннарынга дүүштүр эртем шинчилелдерин чорударынче угланган эртем төлевилелдери мөөрейге киржип болур:
1) физика-техниктиг эртемнер (физика-математиктиг, техниктиг);
2) бойдус эртемнери (химиктиг, биологтуг, геология-минералогтуг, географтыг);
3) гуманитарлыг болгаш ниитилел эртемнери (төөгү, филологтуг, педагогиктиг, психологтуг, экономиктиг, философчу, эрге-хоойлу, социологтуг, политология, культурология);
4) эмчи болгаш фармацевтика эртемнери;
5) көдээ ажыл-агый болгаш ветеринария эртемнери.
Мөөрейниң организакчызы – ТР-ниң Өөредилге яамызы, почта адрези: Тыва Республика, Кызыл хоорай, Ленин кудумчузу, 39, кабинет 301, эртем салбыры, тел. 8 (39422) 63643, электроннуг почтазы: nauka17@rtyva.
Күрүнениң саң-хөө деткимче хемчеглерин бээр порталда promote.budget.gov.ru/identity/u... деп айтыгда мөөрейниң документациязын салган.
Мөөрейге киржир дугайында билдириишкинни Күрүнениң саң-хөө деткимче хемчеглерин хандырарының порталында promote.budget.gov.ru/identity/u... айтыг-биле киирер.
Билдириишкиннерни 2025 чылдың июнь 29-ка чедир хүлээп алыр.
