Регионалдыг диспетчер албанының 2024 чылдың июль 3-те, 9.30-де берген оперативтиг дыңнадыы-биле алырга, республиканың арга-арыг фондузунуң черлеринде 2517,5 гектар шөлдү алган 25 арга-арыг өрттү хып турар. Эрткен хүнде 11 өрттү база 8 чаа-ла хып эгелээн отту өжүрген.
Онза хайгааралдыг бойдус девискээри «Азас» камгалалдыг черде ниитизи-биле 8 гектар арга-арыглыг чер өрттенип турар. «Убса-Нур ыйгылаажы» камгалалдыг черде өрттү өжүрген.
Кызыл, Таңды, Каа-Хем, Тожу база Улуг-Хем кожууннар девискээрлеринде өрттер ам-даа бар.
281 кижи база 19 санныг техника өрт өжүреринде хаара туттунган.
Баш бурунгаар дыңнадыглар алырга, өрттерниң хөй кезии кургаг чаңнык дүшкенин өөскээн.
Бөгүн дөрт агаар хемези: «Тываавиа» авиакомпанияның Ан-2 самолеттары-биле Улуг-Хем, Чаа-Хөл база Чөөн-Хемчик кожууннарга авиамониторингини кылыр.
Тывада арга-арыг өрттеринден онза байдал чурумун июль 1-де киирген, хамаатыларның арга-арыгже кирерин кызыгаарлаанын сагындыраал.
![Центр общественного наблюдения приступил к работе](https://thumbor.newswave.ru/9Ckxj5QHohjVneOmGKAuPhAcO_E=/870x474/https://tmgnews.ru/media/publications/5275148139/cover/tndel8vqhyzrqrzqld2happy0grmni389kgerz4fojte0p2wpxvzfeoolhskuui-u-ljqhk3cmj4d0q0nyt4mubu.jpg)
Центр общественного наблюдения приступил к работе
Сегодня в Туве в 08:00 открылись участковые избирательные участки. Как сообщает общественная палата РТ, открытие УИКов традиционно началось с звучания гимнов России и Тувы.