Тываның Баштыңы Владислав Ховалыг республиканың барыын кожууннарынче ажыл-агыйжы сургакчылаашкын үезинде Ак-Довуракка чедип, социал инфратургузуг объектилерин хынап, оларның келир үеде хөгжүлдезин чогуур албан черлериниң удуртукчулары-биле чугаалашкан.
Хоорайның ийи дугаар школазында 200 хире уруг өөренип турар. 1961 чылда туттунган школага улуг септелге эргежок херек апарган. Тодаргайлаарга, ийиги каъттың кырын база шалазының кырын солууру чугула. Владислав Ховалыг айыыл чок чоруктуң болгаш шынар негелделерин барымдаалап, чогуур ажылдарны таптыг ажылдап кылыр даалганы берген.
Хыналда үезинде школаның спортчу инфратургузуун хөгжүдеринче онза кичээнгейни салган. Келир үеде чаартылга планында школаның шөлүнге чаа спорт зал тудуун база киирген. Төлевилелдиң төлевилел-санаашкын документациязы белен.
«Школа чоогунда спорт зал тудары планнаттынган черни хынап көрдүм. Тудугну чүгле тудары эвес, а ону долгандыр шупту херек инфратургузугну тургузары чугула. Бо төлевилелди боттандырарының шупту аргаларын өөренип көөрүн чогуур удуртукчуларга онаадым» – деп, Тываның Баштыңы демдеглээн.
Владислав Ховалыгның республиканың кожууннарынче ажыл-агыйжы сургакчылаашкынынче амыдырал-хандырылга объектилерин болгаш социал инфратургузугну хынаар ажылдар албан кирип турар. Сезоннуг ажылдарны доозарынче база ооң күүселдезиниң шынарын хандырарынче онза кичээнгей угланган. «Бүгү сезоннуг ажылдарны чоорту доозар. Хуусааларын болгаш шынарын албан сагыыры эң кол» – деп, Владислав Ховалыг чугаалаан.
Тываның Баштыңы үнүүшкүн үезинде чон-биле ужуражылгаларны база эрттирген. Бо хевир аңаа тус чер чурттакчылардан амгы байдал дугайында дорт медээлерни ап, шиитпирлээр ужурлуг айтырыгларны дүрген тодарадып алырынга ындыг хевир дыка дузалыг.
T2 и Тувинский государственный университет договорились о сотрудничестве
Российский оператор мобильной связи Кызыл — Т2 и Тувинский государственный университет подписали соглашение о сотрудничестве.