Тываның Баштыңы Владислав Ховалыг чазак кежигүннериниң база кожуун удуртукчуларының киржилгези-биле «муниципалдыг шакты» эрттирген. Тудуг төлевилелдериниң күүселдези, ажыл-агыйларның кышка белеткели, кожуннарның хөмүр хандырылгазы, спорт, кадык камгалалының хөгжүлдези – хүн айтырыынче кирген.
Муниципалдыг эрге-чагырга чурттакчы чонга чоок болганындан, оларны хөйү-биле хаара тудар ужурлуг деп, Тываның Баштыңы айыткан. «Тываның хөгжүлдези тодаргай базымнарныг чоруп олурар. Чурттуң Президентизи бисти деткээн, ынчангаш 2025 база дараазында чылдарже улуг сорулгаларны салган бис. Ынчангаш кижи бүрүзү бодунуң туружун тып, ниити ажыл-херекке үлүг-хуузун киирер ужурлуг» – деп, ол демдеглээн.
Владислав Ховалыг чаа бүдүрүлгелерни тургузуп, инвесторларга байдалдарны экижидип, социал инфраструктураны хөгжүдеринге регионалдыг эрге-чагырга муниципалдыг коллегалар-биле кады ажылдажылганың, ылаңгыя чаа кадрларга билиг бедидериниң шынарлыг программаларын ажылдап кылырын дааскан. Төлевилелдерже киржип, тургустунган ажылчын олуттарга тус черниң кадрларын ажылдаарын чедип алыр.
Хуралда кожууннарның чаа соңгуткан удуртукчуларын таныштырган. Евгений Овсянников Кызыл кожуун база Станислав Киштеек Каа-Хем кожуун чагырга даргазының хүлээлгезин күүседир кылдыр томуйлаткан. Эдуард Эртине Тес-Хемниң, Эртине Успун – Мөңгүн-Тайга кожуун чагырга даргаларында томуйлаткан. Олар ийилээ 2024 чылдың июльдан кожууннуң чагырга даргазының албан хүлээлгезин күүсеткеннер.
Здравница «Чедер» после модернизации предлагает новые возможности для оздоровления
После недавней модернизации в рамках первого этапа Индивидуальной программы социально-экономического развития