Бо хонуктарда Тываның Баштыңы Владислав Ховалыг Бай-Хаак суурда улуг социал объектилер – 825 олуттуг школа база Культура бажыңының тудуу дээш, өске-даа тудуг шөлдеринге четкен.
«Элита» кызыгаарлаан харыысалгалыг ниитилелдиң тудуг организациязы “Өөредилге” национал төлевилел боттандырылгазы-биле чаа өөредилге черлерин тудуп турар.
Тудуглар 60 хуу беленин үнүүшкүннүг хыналда көргүскен. Объектилерде 115 тудугжу, 22 санныг тускай техника ажылдап турар. «А» блокта даштыкы шывыг, кирер черлер декпелерин кылыр, шеверлел ажылдары, интернет, видеохайгаарал, өрт база камгалал медээчилериниң четкилерин эптеп шөйер ажылдар чоруп турар. Ооң-биле чергелештир девискээрлериниң чаагайжыдылгазын дүргедеткен. Тудугжулар херимнер эптээрин база кижи кылаштаар черлер чадарынче ам кирер.
Владислав Ховалыг тудуг организацияларның төлээлери база тудугжулар-биле ол-ла черлеринге ужуражып чугаалашкан. Тываның Баштыңы тудуг объектилери ооң хууда хыналдазында турарын сагындырып, бир дугаарында, ажылдарны дүргедедир даалганы берген.
Дараазында четкен тудуг шөлү – 250 олуттуг Культура бажыңы болган. “Көдээ черлерниң комплекстиг хөгжүлдези” күрүне программазы-биле тудар оран-саваны «Спутник» микрорайонда Культура сайзыралының төвү ышкаш тудуп үндүрер.
Хаара туттунган 21 ажылчын база ийи санныг тускай техника тудугнуң таваан дооскан. График езугаар, 2024 чылдың төнчүзүнге чедир, тудугнуң кырын дуглап доозуптар ужурлуг.
Сотрудники УФСИН России по РТ провели для школьников Шагонара правовой урок
Сотрудники исправительной колонии, дислоцирующейся в городе Шагонаре, подготовили и провели для учащихся средней общеобразовательной школы урок на тему «Скажи коррупции нет!».